Autofestival 2010: Branche erhofft sech Stabiliséierung

Den 30. Januar fänkt den Autofestival un. Déi 46. Editioun mat ronn 200 Garagebetriber dauert eng déck Woch, bis méindes, den 8. Februar.

Déi zwee éischt Méint vum Joer mecht d'Autosbranche ronn een Drëttel vun hirem Jores-Geschäft.

Déi Kéier erwaart sech de Sekter vum Festival eng Stabiliséierung vum Marché: no engem Joer, wou bal 10% manner Autoen nei ugemellt gi si d'Joer virdrun.

Dobäi hëllefe sollen nach eemol d'Ëmwelt- an d'Verschrottungsprimë vum Staat, déi déi lescht zwee Joer ee richtegen Abroch verhënnert hunn.

Den Ernest Pirsch, President vun der Federatioun vun de Lëtzebuerger Garagisten »

De Sekretär Michel Braquet vun der Associatioun vun de Lëtzebuerger Auto-Distributeuren »

Primen, déi awer musse permanent ugepasst gi, sot de Minister vun der nohalteger Entwécklung, de Claude Wiseler, e Méindegowend op der Presentatioun vum Autofestival. An zwar no uewen, also a Richtung vu nach méi ëmweltschounende Motoren.

Déi ënner 120 Gramm CO2-Emissioun pro Kilometer hunn zejoert iwwer ee Véirels vun den neien Immatrikulatiounen ausgemaach.

Et fält och op, datt zanter zwee Joer erëm méi Bensiner a manner Diesel ugemellt ginn. Generell halen d’Leit hiren Auto och nees méi laang.

Op de leschten Dezember woren zu Lëtzebuerg 464.000 Automobiler vun allen Zorten ugemellt. Iwwer 3/4 dovunner wore Luxmaschinnen a Camionnetten.