Formel 1: Lotus Team brécht Barcelona Test-Fahrten of

RTL - 22.02.2012, 09:49 | Fir d'lescht aktualiséiert: 22.02.2012, 10:12

Wéinst engem Produktiounsfehler um Chassis, muss dem Gerard Lopez säin Team seng Tester zu Barcelona ofbriechen. De Chassis vum Lotus war gerass.

Lotus Team bei der Presentatioun vum néien Auto© AFP
E staarke Réckschlag vir d'Lotus Team ronderëm den Ex-Weltmeeschter Kimi Räikkönen. Nodeem den Auto béi den Tester zu Jerez nach richteg gutt iwwer d'Streck komm ass, gouf et zu Barcelona Problemer mat dem Chassis. Dësen huet der Belaaschtung vum Parcours net Stand gehalen, an ass gerass. Nodeem dem Romain Grosjean de Problem u sengem Auto no sengen éischte 7 Ronnen opgefall war, huet sech séier eraus gestallt, datt och de Chassis, deen zu  Jerez am Asaz war, de selwechte Fehler huet.

Zu Jerez hat de Kimi Räikkönen nach kee Problem mam ChassisFoto: AFP


Sou konnt Lotus net wéi geplangt mam ale Chassis Tester weider fueren, mä d'Team huet d'Saachen zesumme gepackt an ass zeréck an d'Fabrik op Enstone geflunn, fir do eraus ze fannen, wou de Problem um Chassis leit. Elo heescht et dëse Fehler esou séier wéi méiglech ze behiewen, éier d'Saison den 18. Mäerz zu Melbourne an Australien wäert starten.